बलिउड अभिनेता रणदीप हुड्डा अहिले निर्देशक उमंग कुमारको नयाँ चलचित्रको छायांकनमा व्यस्त छन् । यो चलचित्रको छायांकन अहिले भारतको पञ्जावमा भैरहेको छ ।
यो चलचित्रमा नायिका ऐश्वर्या राय र ऋचा चड्डा मुख्य भूमिकामा छन् । पाकिस्तानी कैदी सर्वजित सिंहको जीवनमा तयार भैरहेको चलचित्रमा रणदीप हुड्डा मुख्य भूमिकामा छन् । ऐश्वर्या र ऋचाले चलचित्रमा मुख्य पात्रको श्रीमतीको भूमिका निर्वाहा गरिरहेका छन् ।
उमंग कुमार निर्देशित चलचित्र ‘सरबजित’ का लागि उनले १८ किलो वजन घटाएका छन् । बताइएअनुसार उनले यति वजन १८ दिनमै घटाएका हुन् । यसअघि केही चलचित्रमा सिक्स प्याक देखाएका यी अभिनेता यो चलचित्रमा गिङ्ग्रिङ्ङ हड्डी भएको चरित्रमा देखिँदैछन् ।
हालै सार्वजनिक भएको यो तस्बिरबाटै उनले चलचित्रलाई बहुप्रतिक्षित बनाइदिएका छन् ।