तीन चलचित्र छोडेर हलिउड चलचित्रमै भुल्दै दीपिका

बलिउड अभिनेत्री दीपिका पादुकोण अहिले हलिउड चलचित्रको छायांकनमा व्यस्त छिन् । तर, उनलाई भारतमा हलिउड जानुभन्दा पहिले नै सम्झौता गरिसकिएका तीन चलचित्र पर्खिरहेका छन् । उता, हलिउडमा उनलाई थप चलचित्रको अफर आएका छन् ।

केही समयअघि त उनले एउटा अर्को हलिउड चलचित्रका लागि सम्झौता गरिसकिन् भन्ने समाचार पनि आएको थियो । बलिउडमा अहिले दीपिकालाई पर्खिरहेका यशराज फिल्म्स ब्यानरका चलचित्र हुन् । उनी हलिउड जानुभन्दा पहिले नै ती चलचित्रका लागि काम गर्ने सम्झौता भइसकेको थियो ।