‘संरक्षण’को होली गीत सार्वजनिक, देखिए सौगात, अशिष्मा र मलिना (भिडियो)

ठुलोपर्दा डटकम, काठमाण्डौ।
नजिकिँदै गरेको फागू पूणिर्माको अवसर पारेर चलचित्र ‘संरक्षण’मा समावेश होली गीत सार्वजनिक गरिएको छ । नेहा प्रियादर्शन र प्रवेश मल्लिकको आवाज, धिरेन्द्र प्रेमर्षीको शब्द, प्रवेश मल्लिककै संगीत रहेको यो गीतमा चलचित्रका मुख्य कलाकार सौगात मल्ल, अशिष्मा नकर्मी र मलिना जोशीले होली खेलेका छन् ।

प्रदिप कुमार उदयको लगानी रहेको चलचित्रमा निखिल उप्रेती, सौगात मल्ल, मलिना जोशी, अशिष्मा नकर्मी, कमलेश चौरशिया, रमेश रंन्जन झा, रमेश बुढाथोकी, निर शाह लगायतका कलाकारहरुको अभिनय रहेको छ । पुरुषोतम प्रधानको छायांकन रहेने चलचित्रमा द्वन्द्व हिमाल केसी र कोरियोग्र्राफी कविराज गहतराजको रहेको छ ।

चलचित्रलाई पुर्णेन्दु कुमार झाले निर्देशन गरेका छन् । द्वारिका उदय प्रोडक्शन, श्रीवास्तव फिल्मस्, हेटौडा मुभि मेकर टीम, एचएमएमटी र पुर्णेन्दु प्रोडक्शनको संयुक्त प्रस्तुतीमा यो चलचित्र बनेको हो । चलचित्रमा प्रदिप कुमार उदय, नरेन्द्र महर्जन, नन्दु श्रीवास्तव र श्वेता शाहको लगानी रहेको छ । शक्ति, प्रेस, प्रहरी, राजनीतिक र जनताको कथामा यो चलचित्र बनेको हो ।

गीत हेर्नुहोस्: