ठुलोपर्दा डटकम, काठमाण्डौ।
निखिल उप्रेती र नीता ढुंगानाले अभिनय गर्ने नेपाली चलचित्र ‘निर्भय’को मुहर्त भएको छ । राजधानीमा सोमबार आयोजित एक कार्यक्रमका बीच फिल्मको औपचारिक निर्माण घोषणा सँगै मुहर्त पनि गरिएको हो ।
कार्यक्रममा निखिल र नीताले मुहर्त सट दिँदा नेपाली कांग्रेसमा नेता तथा पुर्व अर्थ मन्त्री डा. रामशरण महतले निर्देशन गरेका थिए । मधुसुदन भट्टराईको निर्देशन रहने यो चलचित्रमा एक राष्ट्रप्रेमी युवकको भुमिकामा निखिल प्रस्तुत हुनेछन् । नीताले पहिलो पटक निखिल उप्रेतीसँग अनस्क्रिन रोमान्स गर्नेछन् ।
नेपाली समाजमा दैनिक रुपमा जनताले देखिरहेको अनि भोगिरहेको कथालाई ‘निर्भय’ले उठान गर्ने निर्देशक भट्टराईले बताएका छन् । चलचित्रमा ताराप्रकाश लिम्बु र अर्जुन पोखरेलको संगीत रहने छ । जेठ दोश्रो हप्ताबाट फ्लोरमा जाने ‘निर्भय’ प्रसिद्धी सिने आर्ट्स को पहिलो प्रस्तुतीमा बन्नेछ भने निर्माता देविप्रसाद पाण्डे हुन् ।
निर्भयका लेखक यम थापा हुन् भने रामशरण उप्रेतीले छायांकन गर्नेछन् । द्वन्द्व हिमाल केसीको रहनेछ ।