बनेपाबाट बर्दीको टिजर र अडियो सार्वजनिक

ठुलोपर्दा डटकम, बनेपा।
काभ्रे जिल्लाको बनेपामा एक कार्यक्रम आयोजना गर्दै सञ्चारकर्मी कुमार आचार्यले निर्माण गरेकेा फिल्म ‘बर्दी’को टिजर, गीत र अडियो सार्वजनिक गरिएको छ । बनेपास्थित ग्राण्ड समर प्यालेस रिर्सोटमा आइतबार आयोजित कार्यक्रममा वरिष्ठ फिल्म निर्माता छविराज ओझा, फिल्म वितरक गोपाल कायस्थ, नेपाल चलचित्र प्राविधिक संघका पूर्व अध्यक्ष मनोज केसी, अरनिको टेलिभिजनका एमडी शंकर अधिकारी, नेपाली कांग्रेस केन्द्रिय कार्यालयका सचिव डा. प्रदिप पराजुली र चलचित्रका कलाकारले संयुक्त रुपमा अडियो सार्वजनिक गरेका थिए ।

कार्यक्रममा निर्माता आचार्यकेा जन्मदिन पनि मनाइएको थियो । निर्माता ओझाले आचार्यको जन्मदिनका अवसरमा उनका छोरा प्रवेशलाई एभरेष्ट फिल्म एकेडेमीमा निशुल्क अध्ययन गराइदिने घोषणा गरे । प्रवेश फिल्मस् प्रालिको व्यानरमा निर्माण भएको फिल्ममा विजयविक्रम बस्नेतको निर्देशन छ । फिल्ममा कुशल थापा, अनु शाह, विरेन डिसी, रुपा खनाल, भानुप्रताप, म्याण्डी बाबुलगायतका कलाकारको अभिनय रहेको छ ।

बर्दीमा गीता आचार्य, प्रवेश आचार्य र करुणा आचार्यको लगानी छ । गणेश श्रेष्ठको छायांकन, विकास चौधरीको संगीत, प्रदिप श्रेष्ठको नृत्य, रविन्द्र खड्का र साहिल खानको सम्पादन, कुमार महर्जनकेा द्वन्द्व छ ।