निखिल-सौगातको संरक्षण साउन १३ मा

ठुलोपर्दा डटकम, काठमाण्डौ।
नेपाली ‘संरक्षण’ प्रदर्शन मिति तय भएको छ । अब यो चलचित्र साउन १३ मा रिलिज हुनेछ ।

पुणेन्दु झाको निर्देशन रहेको यस चलचित्रमा निखिल उप्रेती, सौगात मल्ल, मलिना जोशी, प्रमोद अग्रहरी, कामेश्वर चौरासिया, अशिष्मा नकर्मी लगायतको अभिनय छ ।

संरक्षणलाई प्रदिपकुमार उदय र नरेन्द्र महर्जनले संयुक्त निर्माण गरेका हुन् । चलचित्रमा परवेश मल्लिकको संगीत, पुरुषोत्तम प्रधानको छायांकन तथा हिमाल केसीको द्वन्द्व छ ।