हरि कार्की ‘लक्की’, चितवन। चितवन सक्रिय समुहको सहयोगार्थ अमेरीकामा प्रर्दशन गरिएको नेपाली चलचित्र रिदमको च्यारीटी सो मार्फत संकलीत रकम आज एक समारोहका विच हस्तान्तरण गरिएको छ । भरतपुरमा आज आयोजीत एक समारोहमा समुहकी कार्यकारी निर्देशक दीक्षा रिमाललाई संकलीत नगद रु १ लाख १ रुपैया च्यारीटी सो का संयोजक तथा नेपाली फिल्मका नायक सरोज खनालले हस्तान्तरण गर्नुभयो ।
सो अवसरमा बोल्दै नायक खनालले एचआईभी संक्रमीतहरुलाई गरिएको सहयोगले थौरै भएपनि स्वास्थ्य शिक्षामा राहत मिल्ने विश्वास ब्यक्त गर्दै आगामी दिनहरुमा समेत सहयोगलाई निरन्तरता दिने बताउनु भयो । समुहकी कार्यकारी निर्देशक दिक्षा रिमालले च्यारीटी सो मार्फत भएको सहयोगले एचआइभी संक्रमीत बालबालिकाहरुलाई राहत मिलेको बताउनु भयो ।
चितवन सक्रिय समुहमा हाल २८ जना एचआईभी संक्रमीत बालबालिकाहरु रहेका छन् ।