नायिका प्रियंका कार्की, ‘कार्टुन्ज क्रु’ का सरोज अधिकारी र आश्मा बिश्वकर्माको अभिनय रहेको गीत ‘माछीले खाने खोलीको लेउ’ ले करोड भ्यूजको केक काटेको छ ।
बुधवार राजधानीमा एक कार्यक्रमको आयोजना गरी गीतको टीमले करोड भ्यूजको केक काटेर सेलिब्रेसन गर्यो । १ महिना अघि युट्युबमा अपलोड गरिएको गीतको भिडियोलाई ६८ हजार लाईक र ३५ सय बढी कमेन्ट प्राप्त छ ।
सरोज ओली र मेलिना राईको स्वरमा रहेको गीतमा बसन्त सापकोटाको संगीत र दिनेश थपलियाको शब्द रचना छ । गीतमा उदयराज पौडेलको एरेन्ज र किशोर थापाको मिक्सिङ छ ।
कार्यक्रममा गायक सरोज ओलीले गीतबाट एक महिनामा ४ लाख रुपैयाँ कमाएको खुलाए । यस्तै, गीतका रचनाकार थपलियाले गीत लेख्दाको पल सम्झिए ।
केक काटेर मनाईएको एक करोड भ्यूजको कार्यक्रममा नयाँ गीतको समेत घोषणा गरिएको छ । गायक ओलीका अनुसार ‘पानी कुवाको’ बोलको गीत अबको केही सातामा नै सार्वजनिक हुनेछ ।
भिडियो :-