बलिउड सुपरटार सलमान खानको चलचित्र ‘भारत’ मा अभिनेत्री कैटरीना कैफ भित्रिएकी छन् । यसअघि उनको ठाउँमा अभिनेत्री प्रियंका चोपडा थिइन् । उनले अचानक चलचित्र छाडेपछि कैटरीनालाई नायिकाको रुपमा अनुबन्ध गरिएको हो ।
सको जानकारी स्वयं चलचित्रका निर्देशक अली अब्बास जफरले दिएका छन् । मुम्बई मिररसँग कुराकानी गर्दै निर्देशकले कैटरीनाको नाममा लालमोहर लगाए ।
‘टाइगर जिन्दा हे’ पछि ‘भारत’ मा सलमान-कैटरीना एकसाथ देखिन लागेका हुन् । अभिनेता सलमानले पनि सामाजिक सञ्जालमार्फत् कैटरीनालाई फिल्ममा स्वागत गरेका छन् ।
मुम्बई मिररसँग कुराकानी गर्दै निर्देशक अली अब्बास जफरले भने, ‘म सलमान खान र कटरीनासँग फेरि काम गर्नका लागि एकदम एक्साइटेड छु । पछिल्लो चलचित्रमा पनि हामीलाई साथमा काम गर्न निकै रमाइलो भएको थियो । यो प्रोजेक्टका लागि कैटरीनालाई छोटो समयमा सेलेक्ट गरिएको हो ।’
अली अब्बास जफर र सलमान खान पहिला देखि नै साथी हुन् र, यी दुईले यसअघि दुई चलचित्रमा काम गरिसकेका छन् ।
वर्ष २०१६ मा आएको चलचित्र ‘सुल्तान’ र वर्ष २०१७ मा आएको चलचित्र ‘टाइगर जिन्दा हे’ मा सलमान र जफरले सँगै निर्देशक-एक्टरको रुपमा काम गरेका थिए ।
यसको अलावा पछिल्लो चलचित्र ‘टाइगर जिन्दा हे’ मा कटरीना कैफ पनि चलचित्रको हिस्सा रहेकी थिइन् । रिपोर्ट्सका अनुसार, ‘भारत’ २०१९ को ईदमा रिलिज हुनेछ ।