संजय दत्तको बायोपिक ‘सञ्जु’ बाट सफलता पाएसँगै बलिउड अभिनेता रणवीर कपुरले विज्ञापनमा लिने रकम दोब्बरले बढाएका छन् ।
उनले प्रतिविज्ञापन ३ देखि ३.५ करोड भारू लिदैं आएकोमा त्यसलाई बढाएर ६ करोड पुर्याएको भारतीय संचारमाध्यमले जनाएका छन् ।
उनले अबको केही सातामा कयौं विज्ञापन खेल्ने बताइएको छ । रणवीर हाल एसियन पेन्टस, पेप्सी, पानासोनिक, रेनल्ट, फ्लिपकार्ट, माक्रोम्यान, साभव तथा हिरोकर्प जस्ता ब्रान्डसँग जोडिएका छन्।
पारिश्रमिक दोब्बर पारेपनि रणवीर भारतका महत्वपूर्ण सेलिब्रेटीको कोटीमा भने पर्दैनन् । ब्रान्ड भ्यालुका हिसाबले भारतमा हाल क्रिकेटर विराट कोहली ९१२ करोड भारूका साथ अग्रस्थानमा छन् ।
उनलाई ६७८ करोड भारूसहित शाहरूख खान र ५९५ करोडसहित दीपिका पादुकोणले पछ्याइरहेका छन्।