चर्चित निर्देशक विकासस राज आचार्यले हिट सिरिज ‘नाईं नभन्नू ल’ को छैटौं सिरिज अगाडि नयाँ नाममा चलचित्र बनाउने भएका छन् ।
‘हजार जुनी सम्म’ नाम जुराइएको चलचित्रको निर्माण यसै वर्ष हुने भएको छ । अहिले निर्देशक आचार्य चकलेटी हिरोको खोजीमा छन् ।
उनले चलचित्रका लागि आकर्षक जीउडाल, लुक्स र अभिनय राम्रो भएको नव-नायक चाहिएको बताए । सामिप्यराज तिमल्सिना र निर्देशक आचार्य अहिले स्क्रिप्टको फाइनल ड्राफमा काम गरिरहेका छन् ।
स्रोतका अनुसार, ‘हजार जुनी सम्म’ मा अभिनेत्री स्वस्तिमा खड्का लिड रोलमा हुने प्रवल सम्भावना छ । उनले चलचित्रको वान लाइन स्टोरी सुनिसकेकी छिन् भने काम गर्न इच्छुक पनि देखिएकी छन् । अहिले चलचित्रमा कुनै कलाकार फाइनल भएका छैनन् ।
‘नाईं नभन्नू ल’ का हरेक सिरिजमा निर्देशक विकास राज आचार्यले बाल कलाकार अनुभव रेग्मीलाई छुटाएका छैनन् । यो प्रोजेक्टमा भने उनी नहुने भएका छन् । अनुभवकी आमा कविता निर्माता रहने उक्त चलचित्र लभस्टोरी जनरामा निर्माण हुनेछ ।