अभिनेता भुवन केसीकी पूर्व पत्नी तथा अभिनेत्री अभिनेत्री सुस्मिता बम्जन (केसी) ले इन्गेजमेन्ट गरेकी छन् । गएको ९ सेप्टेम्बरमा दक्षिण भारतीय मुलुकको फिजीमा जन्मिएका अष्ट्रेलियन नागरिक किलन स्वामीसँग उनको टिकाटालो भएको हो ।
उनी अभिनेता अनमोल केसीकी आमा हुन् । सन् २००१ मा अभिनेता भुवन केसीसँग डिभोर्स लिएपछि उनी एक्लै बस्दै आइरहेकी थिइन् ।
गएको दुई वर्ष अगाडि उनले निर्माण गरेको चलचित्र ‘म त तिम्रै हुँ’ प्रदर्शनमा आएको थियो । काठमाडौंमा उनी लामो समयदेखि डेरामा बस्दै आइरहेकी थिइन् ।
सुस्मिताले भुवनसँग ‘नेपाली बाबु’, ‘करोडपति’, ‘सुपरस्टार’ लगायतका चलचित्रमा काम गरेकी छन् । चलचित्रमा काम गर्दैगर्दा सुरु भएको सुस्मिता र भुवनको प्रेमले विवाहको रुप लिएको थियो ।
पारिवारिक सहमतीमा नै स्वामीसँग इन्गेजमेन्ट भएको सुस्मिताले बताएकी छन् । अनमोलकै सहमतीमा यो इन्गेजमेन्ट भएको बुझिएको छ ।
सुस्मिताको विवाह अर्को वर्षको भ्यालेन्टाइन डेमा हुनेछ । अष्ट्रेलियामा बस्दै आएका किलन स्वामी एक धनाड्य व्यापारी हुन् ।