बलिउडको बहुप्रतिक्षित चलचित्र ‘ठग्स अफ हिन्दोस्तान’ को अफिसियल ट्रेलर सार्वजनिक भएको छ । यश चोपडाको जन्मदिनमा चलचित्रको ट्रेलर सार्वजनिक गरिएको हो । ट्रेलर एक्सन र दमदार डाइलगबाट भरपूर छ ।
ट्रेलरमा भिएफएक्स जबर्जस्त देखिएको छ । ठूला-ठूला जहाज र कलाकारको लुक्सको अन्दाजले तपाईहरुलाई ‘बाहुबली’ को ग्रान्ड स्टाइलको याद दिलाउन सक्छ ।
दिपावलीको अवसर पारेर ८ नोभेम्बरमा रिलिज हुन लागेको यो चलचित्र फिलिप टेलर्सको उपन्यास ‘कन्फेशन अफ ठग्स’ मा आधारित छ । चलचित्रको निर्देशन विजय कृष्ण आचार्यले गरेका हुन् । उक्त चलचित्र तीन भाषामा रिलिज हुनेछ ।
हिन्दीसँगै चलचित्रलाई तमिल र तेलुगूमा पनि डब गरिएको छ । चलचित्रमा अमिताभ बच्चन (खुदाबक्श), आमिर खान (फिरंगी), फातिमा सना शेख (जफीर), कटरीना कैफ (सुरैया) र लायड (जोन क्लाइव) को भूमिकामा छन् ।
‘ठग्स अफ हिन्दोस्तान’ को बजेट २ करोड १० लाख बताइएको छ । यो यशराज ब्यानरको सबैभन्दा महँगो चलचित्र हो । भिएफएक्स र सेट डिजाइनमा निकै पैसा खर्च भएको छ । यो पहिलो चलचित्र हो जुन ठगको जिन्दगीलाई पर्दामा देखाइदैछ ।
भिडियो :-