निकै कम चलचित्रले पाउने सोलो रिलिजको अवसर राजु गिरी निर्देशित चलचित्र ‘निर्जला’ ले पाएको छ । यो चलचित्र शुक्रवारबाट देशभरका हलमा प्रदर्शनमा आएको छ ।
चलचित्रमा किशोर खतिवडा, शुभेच्छा थापा र निक शर्मा, श्याम राई, पल्पसा डंगोल, रश्मी भट्ट, राजकुमार थापा, राजेन्द्र गिरी, भीम खनाललगायतको अभिनय छ । चलचित्रले गाउँले परिबेशको कथा भन्छ ।
प्रकाशचन्द्र न्यौपाने निर्मित ‘निर्जला’ लाई निर्देशक गिरी आफूले निर्देशन गरेका अन्य फिल्मभन्दा फरक भन्न चाहन्छन् । चलचित्रमा अशोक खड्काको द्वन्द्व, कमल राईको नृत्य तथा रवि कोइरालाको छायांकन रहेको छ ।