नेपालीहरुको दोस्रो ठूलो चाड दिपावलीलाई लक्षित गर्दै गायिका निशु ढकालले आफ्नो नयाँ गीत सार्वजनिक गरेकी छन् । तिहारमा देउसी, भैलो खेल्ने प्रचलन छ । ‘आयो तिहार लिएर देउसी’ बोलको गीतमा निशुको सोलो गायन छ ।
गीतमा शब्द, संगीत तथा एरेन्ज नविन के तिमल्सिनाको छ । गीतको भिडियोमा एञ्जिला, शिल्पा र रुपाको नृत्य रहेको छ । निशुले यसअघि दशैंको अवसरमा यो रमाइलो दशैं आयो बोलको गीत सार्वजनिक गरेकी थिइन् ।
संगीतमा भविष्य खोज्दै गायिका निशु विगत केही बर्षदेखि सांगीतिक यात्रामा निरन्तर क्रियाशील छिन् । यसभन्दा अघि पनि उनका गीत लोकप्रिय भइसकेका छन् । आगामी दिनमा नयाँ नयाँ गीत सार्वजनिक गर्ने उनको योजना छ ।
भिडियो :-