मंसिर २८ गतेबाट प्रदर्शनमा आउन लागेको सुव्रत आचार्य निर्देशित चलचित्र ‘सुश्री सम्पत्ति’ को ट्रेलर सार्वजनिक भएको छ । ट्रेलरमा दुई युवाको धनाड्य सुश्रीलाई प्रेममा फसाएर सम्पत्ति कमाउन गर्ने संघर्ष देखाइएको छ । ट्रेलर कमेडीले भरिपूर्ण छ ।
सलोन बस्नेत, विनोद पौडेल र सारा सिर्पाली प्रमुख भूमिका रहेको चलचित्रमा प्रमोद अग्रहरी, राजाराम पौडेल, विशारद बस्नेत, सुनिता श्रेष्ठ ठकुरीलगायतका कलाकारहरुको अभिनय छ । यसमा अभिनेत्री प्रियंका कार्की विशेष भूमिकामा छिन् ।
रमेश त्वायना प्रस्तुतकर्ता रहेको ‘सुश्री सम्पत्ति’ को कथा निर्देशक सुव्रत आफैंले लेखेका हुन् । चलचित्रको निर्मातामा विज्ञान राई, नुनम सुब्बा र रमन सिलाकार रहेका छन् ।
अभिमन्यू ‘निरवी’ र निर्देशक आचार्यको डाइलग रहेको चलचित्रको स्क्रिनप्ले अभिमन्यूकै रहेको छ । ‘हुकुम बक्सियोस्…’ बोलको गीतका कारण चर्चामा रहेको चलचित्रलाई भरत रेग्मीले सम्पादन गरिरहेका छन् ।
ट्रेलर हेर्नुहोस् :-