२५ सय वर्ष अगाडिको पौराणिक प्रेमकथामा निर्माण भएको चलचित्र ‘प्रेमनाथ’ को ट्रेलर सार्वजनिक भएको छ । बुधबार राजधानीमा एक कार्यक्रमका बीच गणेश बेलबासे निर्देशित चलचित्रको ट्रेलर, पोस्टर र प्रदर्शन मिति घोषणा गरिएको छ ।
चैत २२ गतेलाई प्रदर्शन मिति फाइनल गरिएको चलचित्रको पोस्टरमा लिड कलाकारलाई रोमान्टिक मुडमा प्रस्तुत गरिएको छ । ट्रेलर भने संवाद विहीन छ । निर्देशक बेलबासेले चलचित्रमा आधुनिक र २५ सय वर्ष अगाडिको प्रेमकथा घोलिएको बताए ।
‘प्रेमनाथ’ बाट राज थापा र कृति गौतमले डेब्यु गरेका छन् । उनीहरु चलचित्रलाई लिएर उत्साहित देखिएका छन् । दुवै चलचित्रको कथावस्तु मन परेर काम गर्न राजी भएको बताउँछन् । गुह्रेश्वरी बेलबासे निर्माता रहेको चलचित्रको कार्यकारी निर्मातामा कपिल प्रसाद द्वा छन् ।
सुमन कार्की, सुरज पाण्डे र सञ्जय सहानीको संयूक्त छायांकन रहेको चलचित्रमा राज र कृतिका अलावा सुरविर पण्डित, गतिज विष्ट, मोनालिसा विष्ट, शेखर जंग मल्ललगायतका कलाकारहरुको अभिनय छ । निर्देशक स्वयं पनि लिड रोलमा छन् ।
ट्रेलर हेर्नुहोस् :-