अर्पणको ‘घर’ मा सुरक्षाको प्रवेश

अभिनेता तथा निर्देशक अर्पण थापाले निर्देशन गर्न लागेको नयाँ चलचित्र ‘घर’ मा अभिनेत्री सुरक्षा पन्त अनुबन्ध भएकी छन् । बिहीवार अभिनेत्रीसँग निर्माता/निर्देशकको कागजी सम्झौता भएको छ ।

चलचित्रका लागि अझै एक नायिकाको खोजी भइरहेको छ । चलचित्रमा निर्देशक अर्पण स्वयं प्रमुख भूमिकामा देखिँदैछन् । चलचित्र हरर जानरामा निर्माण हुन लागेको हो । ‘घर’ लाई डीएस डिजिटलको ब्यानरमा निर्माण गर्न लागिएको हो ।

चलचित्रलाई शर्मिला पाण्डेले निर्माण गर्दैछिन् । उनलाई लगानीमा सन्तोष अधिकारीले सहयोग गर्दैछन् । चलचित्रको छायांकन माघको दोस्रो साताबाट सुरु हुँदैछ । चलचित्रको कथा निर्देशक थापाकै हो ।