गायक तथा संगीतकार सुनिल पाण्डेको नयाँ गीत सार्वजनिक भएको छ । सुनिलकै शब्द, संगीत र स्वरमा तयार भएको लोक कमेडी शैलीको ‘आँपे’ बोलको गीत निकै रमाईलो छ । प्रस्तुत गीतलाई अमृत ल्वागुनले एरेन्ज गरेका हुन् ।
दिपेन्द्र तिमल्सीनाको निर्देशनमा तयार भएको भिडियोमा सुजन श्रेष्ठ, हेरुका लामा, निशा लमा, नवराज भट्टराई लगायत कलाकारले अभिनय गरेका छन् । भिडियोमा गायक सुनिल पनि चित्रित छन् । प्रेम लामा र राज सिग्देलले छायाङ्कन गरेको गीतलाई मनोज कार्कीले सम्पादन गरेका हुन् ।
यसअघि चलचित्र रोमियोमा समावेश ‘ल्याङल्याङ’ गीतबाट सफलता पाइसकेका सुनिल यस गीतलाई पनि दर्शकले रुचाउने कुरामा विश्वस्त छन् । उनी भन्छन्, “लोकलय मनपराउने ट्रेन्ड चलेका बेला यो गीत पनि दर्शकका लागी नौलो स्वाद हुन सक्छ ।”
सुनिल मकवानपुरमा रहेर संगीतसाधना गरिरहेका छन् । आफैले संगीत गरेको गीत गाउन रचाउने उनको स्वर अन्य थुप्रै चलचित्रका गीतमा समावेश छन् ।
भिडियो :-