माघ १८ गतेलाई प्रदर्शन मिति घोषणा गरिएको चलचित्र ‘सयकडा दश’ को रोमान्टिक गीत सार्वजनिक भएको छ । गायक स्वप्न सुमन र गायिका त्रिशला गुरुङको स्वरमा रहेको ‘पिरतीको गाउँ’ बोलको गीतमा कल्याण सिंहको संगीत छ ।
रवि मल्लले गीतको शब्द लेखेका छन् । दीलिप ओखेडाको कोरियोग्राफी रहेको गीतको भिडियोमा चलचित्रका चार लिड कलाकार सोनिया राई, अमृत ढुंगाना, करुणा श्रेष्ठ र उत्सव न्यौपाने फिचर्ड छन् । गीतमा दुई जोडीलाई रोमान्टिक अवतारमा देख्न सकिन्छ ।
भ्रष्टाचारले प्रेम, परिवार र समाजमा पारेको प्रभावको कथा भन्ने बताइएको यो चलचित्रबाट हायकलाकार मनोज गजुरेलले काँचको पर्दामा डेब्यु गरेका छन् । रामशरण पाठक निर्देशित चलचित्रमा राजाराम पौडेल, अमित पोखरेल, रवि डंगोल, रश्मी भट्टलगायतको पनि अभिनय छ ।
रज्जु प्रधान, उत्तम खत्री, डीआर उपाध्याय, संजीव न्यौपानेले दर्शन नेपाल क्रिएसनको ब्यानरमा चलचित्र निर्माण गरेका हुन् । चलचित्रका रामेश्वर कार्की छायांकार हुन् । बनिष शाह र भुपेन्द्र अधिकारीको सम्पादन रहेको चलचित्रमा रज्जु प्रधानको कथा छ । हास्यकलाकार राजाराम पौडेल चलचित्रको कार्यकारी निर्मातामा छन् ।
गीत हेर्नुहोस् :-