एक समयकी सर्वाधिक डिमान्डेड र व्यस्त अभिनेत्री झरना थापा निर्देशित दोस्रो चलचित्र ‘ए मेरो हजुर ३’ को टिजर सार्वजनिक भएको छ । बसन्त पञ्चमीको अवसर पारेर निर्माण टिमले फिल्मको ट्रेलर लञ्च गरेको हो । टिजर कलरफुल बनेको छ ।
सुपरस्टार अनमोल केसी र डेब्यू गर्ल सुहाना थापाको प्रेम कथा वाचन गर्ने चलचित्रको सार्वजनिक टिजरमा दुईको प्रेमलाई सुन्दर ढंगबाट पस्किएको छ । चलचित्र सांगीतिक प्रेम कथामा आधारित रहेको बताइएको छ । चैत २९ मा यो चलचित्र प्रदर्शनमा आउँदैछ ।
चलचित्रलाई सुनिल कुमार थापाले निर्माण गरेका हुन् । यसमा सलोन बस्नते, अर्पण थापा, रबिन्द्र झालगायतका कलाकारहरुको पनि अभिनय छ । निर्देशक थापा र सुमन पौडेलको कथा रहेको चलचित्रमा सञ्जय लामाको छायांकन र रोशन श्रेष्ठको द्वन्द्व निर्देशन छ ।
टिजर हेर्नुहोस् :-