चैत १ गतेबाट प्रदर्शनमा आउन लागेको चलचित्र ‘कागजपत्र’ को अफिसियल ट्रेलर सार्वजनिक भएको छ । ट्रेलरमार्फत् चलचित्रको मूलकथालाई प्रस्ट्याउन खोजिएको छ । बुधबार राजधानीमा एक कार्यक्रमका बीच सार्वजनिक गरिएको ट्रेलर कमेडीले भरिपूर्ण छ ।
यसमा अभिनेता नाजिर हुसेनसँग अभिनेत्री शिल्पा मास्केको प्रेम देखिइएको छ, तर अष्ट्रेलिया जानका लागि उनले अभिनेत्री सरिता गिरीसँँग बैबाहिक जीवनमा बाँधिएका कलाकार भोलाराज सापकोेटासँग नक्कली विवाह गरेकी छन् । ट्रेलरमा द्वअर्थी शब्द पनि पर्याप्त छन् ।
इपी एजुकेशन अष्ट्रेलियाको प्रस्तुतीमा तयार भएको चलचित्र वल्र्डवाइड फिल्मस् र अस सिनेमाको संयूक्त व्यानरमा निर्माण भएको हो । चलचित्र सामाजिक तथा कमेडी कथामा निर्माण गरिएको निर्देशक तथा लेखक अपिल बिष्टले बताए । अपिलले यसअघि ‘झुम्की’ निर्देशन गरेका थिए ।
यसको निर्मातामा खिलेन्द्र तिमल्सिना, मुकेश रेग्मी र प्रजापती सिवाकोटी छन् । चलचित्रमा किरण न्यौपाने र सरस्वती श्रेष्ठ सह-निर्माताको रुपमा रहेका छन् । चलचित्रमा बसन्त सापकोटा र संगीत सापकोटाको संगीत छ भने निमेष श्रेष्ठको सम्पादन रहेको छ ।
चलचित्रलाई अस्ट्रेलियन सिनेमाटोग्राफर क्यस्मिर डिक्सनले खिचेका हुन् । लोकेन्द्र लेखक, जीवन भट्टराई, लक्ष्मी वर्देवा, अर्जेस रेग्मीलगायतका कलाकारहरुको पनि चलचित्रमा अभिनय छ । अभिनेत्री शिल्पाले आफ्नो डेब्यु चलचित्र भएका कारण ‘कागजपत्र’ माथि ठूलो आशा र भरोसा रहेको बताइन् ।
ट्रेलर हेर्नुहोस् :-