नम्बर वानमा ‘ए मेरो हजुर ३’ को गीत (भिडियो)

चैत २९ गतेबाट देशभर प्रदर्शनमा आउन लागेको बहुप्रतिक्षीत चलचित्र ‘ए मेरो हजुर ३’ को पहिलो रोमान्टिक गीत ‘जिन्दगी नै भन्दिनँ’ आइतबार दिउँसो नेपालको युट्युब ट्रेन्डिङको शिर्ष स्थानमा आइपुगेको छ । शुक्रवार दिउँसो यो गीत युट्युब रिलिज भएको थियो । यो समाचार तयार पार्दासम्म गीतमाथि १२ लाख बढीको नजर परिसकेको छ भने साढे ६ हजार बढीको कमेन्ट प्राप्त छ ।

गीतमा नकारात्मक कमेन्ट अत्यन्त कम छन् । अधिकांशले गीतको अडियो/भिडियोलाई उत्कृष्ट भनेका छन् । गीतको भिडियोमा फिचर्ड अभिनेता अनमोल केसी र डेब्यू गर्ल सुहाना थापाको केमेस्ट्रीलाई पनि उतिक्कै रुचाइएको छ । विशेषगरि अनमोलको लुक्सको तारिफमा धेरै कमेन्ट कोरिएका छन् भने सुहानालाई ‘क्यूट’ र ‘बेबी डल’ लेखिएका कमेन्ट पनि कम छैनन् ।

पहिलो गीतले नै चलचित्रको लोभलाग्दो हाइप निर्माण गर्न सफल भएकोमा निर्माण टिम यतिबेला दंग छ । सुगम पोखरेल र प्रविशा अधिकारीको स्वर रहेको गीतमा एक नारायण भण्डारीको शब्द छ । आशिष अविरलले गीतमा संगीत भरेका छन् । झरना थापा निर्देशित यसमा अनमोल र सुहानासँगै सलोन बस्नते, अर्पण थापा, रबिन्द्र झालगायतका कलाकारहरुको पनि अभिनय छ ।

भिडियो :-