जेठ ३१ गतेबाट प्रदर्शनमा आउन तयार रहेको चलचित्र ‘झट्का’ को पहिलो गीत युट्युब रिलिज भएको छ । ‘माया बस्यो रेडिमेड’ बोलको गीतमा मनिष रेश र सहिमा श्रेष्ठको गायन छ । भने, दिनेश सुवेदीको शब्दमा पुरुषोत्तम न्यौपानेले संगीत भरेका छन् । गीतमा सुरेश पाण्डेको कोरियोग्राफी छ ।
गीतको भिडियोमा कलाकारहरु सुरविर पण्डित (दाह्री बा), श्यामलाल श्रेष्ठ र मनिता श्रेष्ठ फिचर्ड छन् । भिडियोमा कलाकार पण्डितलाई भिन्न लुक्स र गेटअपमा देख्न सकिन्छ । उनको यो भिन्न लुक्सले दर्शकलाई चलचित्रप्रति कौतुहलता बढाउनेमा दुईमत छैन । यसबाट उनी चलचित्रमा डनको भूमिकामा हुनसक्ने अनुमान लगाउन सकिन्छ ।
चलचित्रलाई रमेश बिसुङ्खेले निर्देशन गरेका हुन् । उनकै कथामा चलचित्र बनेको हो । उनले सुरविरलाई अन्य चलचित्रमा भन्दा पृथक भूमिकामा प्रस्तुत गरिएको बताए । उनको भूमिकाले दर्शक सरप्राइज हुने निर्देशक रमेशको भनाई छ । चलचित्रले काठमाडौंको रात्री जीवनको कथा वाचन गरेको छ ।
जीवन पराजुलीले खिचेको यस चलचित्रको निर्माता तुलसीलाल नेवा हुन् । भने, कार्यकारी निर्मातामा शेखर बिसुङ्खे रहेका छन् । चलचित्रमा सुरविर पण्डित श्याम लाल श्रेष्ठ, रक्षा गुरागाइँ, ईश्वर गुरुङ, मनिता श्रेष्ठ, उमेश बिसुङ्खे, हिक्मत कुवँर, प्रदिप काफ्लेको अभिनय छ । निर्देशक आफैंले चलचित्रको सम्पादन गरेका छन् ।
गीत हेर्नुहोस् :-