चर्चित गायक मिलन लामाले केही समयको विश्रामपछि नयाँ गीत ‘कल्ले चलायो’ को भिडियो लिएर आएका छन् । गीतको शब्द तथा संगीत संकलन रहेको गीतमा संगीत संयोजन भने कृष्ण बि.के भान्जाको छ ।
नेपाली सांगेतिक क्षेत्रमा थुप्रै सुपरहिट गीत दिएका लामाको नयाँ गीतले बजारमा राम्रै चर्चा पाउने देखिन्छ । मिलन लामाले यसअघि ‘हङकङ आइडीले’, ‘कृष्ण भिरमा जाम’, ‘माझी दाई पोखरा फेवातालको’, ‘बाटो खुल्यो मटर चल्यो जुम्ला कालिकोटको’, ‘गल्कोटे साइलो’, ‘लालु पाते फूल छैन’ जस्ता दर्जनौं हिट गीत दिएका छन् ।
चितवनको लोथरमा छायांकन गरिएको भिडियोमा मिलन लामा, सगुन श्रेष्ठ, रिना थापा मगर, रबिन्द्र तितुङ्ग, प्रविन डल्लाकोटी र आभास लामाको अभिनय रहेको छ । गीतमा माया प्रेमको कुरा गरिएको छ । गीतको भिडियोलाई रमाइलो तरिकाले निर्माण गरिएको छ ।
गीतको भिडियोलाई गायक मिलन लामाले नै निर्देशन गरेका हुन् । प्रविन भट्टको सम्पादन छायांकन गरेको यस भिडियोलाई मौसम हिमालीले कोरियोग्राफी गरेका हुन् । भिडियोलाई कारण चैसिरले छायांकन गरेका हुन् ।
भिडियो :-