पछिल्लो समय प्रदर्शनमा आएका दुई चलचित्र ‘बितेका पल’ र ‘छ एकान छ’ले प्रचार प्रसार पनि राम्रै गरे । प्रदर्शनको मिती नजिकिंदै गर्दा देखी प्रदर्शन पश्चात पनि मिडिया देखी हलहरुमा तथा बाहिरी ठाउँका बिभिन्न भित्ताहरु यी चलचित्रका नाममा रङगिए ।
हो, प्रचार प्रसार नै पछिल्लो समय चलचित्र सफलताको माध्यम जस्तै बनिरहँदा अर्को चलचित्र ‘झोले’ले पनि प्रचार प्रसारलाई ब्यापकता दिँदै गईरहेको छ । फागनु ९ गतेदेखि प्रदर्शनमा आउने ‘झोले’ प्रचारका लागि झन्डै २५ लाख खर्चने तयारी रहेको निर्देशक दिपेन्द्र के. खनालले बताएका छन् ।
निर्देशक खनालका अनुसार ‘झोले’ले प्रचारको लागि मुख्य राष्ट्रिय दैनिकसँग फिल्मको पोस्टर छाप्ने सम्झौता गरिसकेको उनले जानकारी दिए । त्यस्तै यसै साताबाट काठमाडौं बाहिरका मुख्य स्थानमा फिल्मका ३० वटा होर्डिङ बोर्ड राख्ने तयारी गरिरहेको पनि बताए । यो सँगै हल, रेडियो, टेलिभिजन, अनलाइनमा पनि प्रचार प्रसारलाई ब्यापक बनाउने तयारीमा झोले युनिट लागेको छ ।
यो चलचित्र पुर्णतः कमेडी चलचित्र हो । चलचित्रमा प्रियंका कार्की, दयाहाङ राई, ए.गुरुङ मुख्य भूमिकामा छन् ।