पछिल्लो समय प्रदर्शन पश्चात नै चर्चामा रहेका चलचित्र मध्यको एक चलचित्र ‘ऋतु’को अष्ट्रेलियामा बिशेष ‘सो’ हुने भएको छ । यो चलचित्रलाई अष्ट्रेलियाको सबै भन्दा ठुलो मल्टिप्लेक्स चेन रहेको इभेन्ट्स सिनेमाजको ‘गोल्ड क्लास’मा देखाइने भएको हो ।
आगामी ६ मार्चमा अष्ट्रेलियामा रहेका नेपालीमाझ गोल्ड क्लासमा यो चलचित्र देखाईने छ । सोही दिन मै २ वटा बिशेष भिआईपी प्री-शो हुनेछन । यो चलचित्र औपचारिक रुपमा भने मार्च ७ तारिख अर्थात नेपाली मिती अनुसार यही फागुन २३ गतेबाट नेपालमा रिलिज हुनेछ ।
गोल्ड क्लासको पर्दामा हालसम्म कुनै पनि नेपाली चलचित्रले अवसर पाएका छैनन । मनोज अधिकारीले निर्देशन गरेको यो चलचित्र ‘ऋतु’मा अपिल बिष्टले लगानी गरेका छन । चलचित्रमा राजबल्लभ कोइराला, मलिना जोशी, रिमा बिश्वकर्मा लगायतका कलाकारहरुको प्रमुख अभिनय रहेको छ ।
नेपालमा कुन चलचित्र चल्छन र कुन चलचित्र चल्दैनन भन्ने नै अन्यौल जस्तै बनिरहेको अबस्थामा निर्माताले लगानी उठाउनको लागी पहिले देखी नै नेपाली चलचित्रहरु विदेशमा प्रिमियर गरिँदै आईएको छ।