गायक प्रविण बेडवाल र गायिका समिक्षा अधिकारीको स्वर रहेको ‘नबोली नबोली’ बोलको रोमान्टिक गीतको भिडियो सार्वजनिक भएको छ । गीतमा अर्जुन पोखरेलको शब्द र संगीत छ । भिडियोमा एक मुखियाको घरमा काम गर्ने केटा र मुखियाको छोरीबीचको प्रेम सम्बन्धलाई देखाइएको छ ।
![](https://i0.wp.com/www.thuloparda.com/wp-content/uploads/2020/09/vidhan-karki.jpg?resize=720%2C415&ssl=1)
भिडियोमा सुधीर श्रेष्ठ र गरिमा शर्माले रोमान्स गरेका छन् । उनीहरुको केमेस्ट्री सुहाएको छ । भिडियोमा सुधीर र गरिमासँगै वसन्त अधिकारी, माधव शर्मा, शिशिर श्रेष्ठ, अनामिका बाह्रकोटीको अभिनय छ । चलचित्रको शैलीमा निर्माण गरिएको भिडियोलाई अहिलेका व्यस्त निर्देशक विधान कार्कीले निर्देशन गरेका हुन् । भिडियोलाई उनले आकर्षक बनाएका छन् ।
भिडियोमा उत्सव दाहालको छायांकन र विकास दाहालको सम्पादन तथा कलर छ । भिडियोका कार्यकारी निर्माता रायन रेज हो । भिडियो द डिभाइन म्यूजिकको यूट्युब च्यानलबाट गीत सार्वजनिक भएको हो । गीतलाई यूट्युबमा दर्शकहरुले निकै रुचाएका छन् ।
भिडियो :-