अमेरिकामा बस्दै आएका निर्देशक सुमन दाहालको निर्देशनमा गायिका मञ्जु रसाईलीले अमेरिकाबाटै तीज गीत सार्वजनिक गरेकी छन् । ‘रातो सारी’ शिर्षको यो गीतको भिडियो संयुक्त राज्य अमेरिकाको ल्याक्सिनटनमा छायांकन भएको हो ।
सुमन कार्कीको शब्द तथा सन्तोष श्रेष्ठको संगीत रहेको गीतमा मन्जुसँगै पवि खड्का र शशी केसीको स्वर रहेको छ । सम्राट क्रियशनको युट्युब च्यानलबाट रिलीज भिडियोमा बारुनी पाण्डे, सन्ध्या उप्रेती, आकृति खड्का, विभू सापकोटा सहित २० जनाभन्दा बढि महिला कलाकारहरुले नृत्य गरेका छन् ।
नेपालका विभिन्न स्थानहरुबाट अमेरिकामा आएर बसोबास गरेका महिलाहरुलाई एकसाथ भेला पारी तीज गीत छायांकन गर्दा नेपालमै रहेको महशुस गरेको निर्देशक दाहालले बताए । सुरेश राउतको सम्पादन रहेको भिडियोमा अक्की शर्माको कोरियोग्राफी रहेको छ । भिडियोका निर्माता शान दियाली र रञ्जिता रसाईली हुन् ।
भिडियो: