कर्णाली प्रदेशको आन्तरिक पर्यटन प्रवर्धन गर्ने उदेश्यसहित नयाँ आधुनिक गीत ‘तिम्रो मायाले न हो’को भिडियो रिलिज भएको छ । गायक प्रताप दास र गायिका सरिता भारतीको स्वरमा रहेको गीतको छायांकन मुगुको रारा, आछाम र जुम्लाका विभिन्न स्थानमा गरिएको छ ।
छायाँकार दिव्यराज सुवेदीले कर्णालीको सुन्दरतालाई निकै आकर्षकसँग भिडियोमा उतारेका छन् । देवल भण्डारीले लेखेको यो गीतलाई एलिश कार्कीले संगीत गरेका हुन् । गीतमा संगीत संयोजन शैलेन्द्र एम श्रेष्ठ (बाबु) ले गरेका हुन् । जसमा जुगल डंगोलको मिक्सिङ र मास्टरिङ रहेको छ ।
भिडियोमा अभिनेता यसराज गराच र गायिका सरिता भारतीले अभिनय गरेका छन् । कर्णाली प्रदेश प्राकृतिक रुपमा अत्यन्त सुन्दर रहेकाले त्यहाँको पर्यटन प्रवर्धन गर्न यो भिडियोको छायांकन मुगु, आछाम र जुम्लामा गरिएको निर्देशक डब्बु क्षत्रीले बताए । यो भिडियोमा सुवास बुढाथोकीको नृत्य निर्देशन रहेको छ ।