देशैभर आयो फिटकिरी घोल्ने समय !

[dropcap]अ[/dropcap]न्ततः प्रतिक्षाको घडि समाप्त भएको छ । शुक्रवार फिटकिरी रिलिज भइसकेको छ । देशैभर झण्डै असी सिनेमा हलमा ‘फिटकिरी’ घोलिँदैछ । शहरको अपराधलाई पखालिएको कथा यो चलचित्रमा छ साथै हरेक सम्बन्धको अर्थ पनि ‘फिटकिरी’ले प्रष्ट्याउने छ । ‘फिटकिरी’मा सौगात मल्ल, दिया मास्के, निश्चल बस्नेत, शान्ति गिरी, लक्ष्मी गिरी, धिरेन्द्र प्रेमर्शीलगायतका कलाकारहरुले अभिनय गरेका छन् ।

चलचित्रले मुख्यतः पछिल्लो समय बढ्दै गईरहेको ‘सिटी क्राईम’को कुरालाई जोडतोडका साथ उठाएको निर्माण टिमले जानकारी दिएको छ । अर्जुनकुमारले नयाँ निर्माता सुमित मैनालीसँग मिलेर यो चलचित्र निर्माण गरेका हुन् । चलचित्रलाई अनुप बरालले निर्देशन गरेका छन् ।

यो सँगै नेपालमा वलिउड चलचित्र ‘रागिनी एमएमएस २’ पनि रिलिज भएको छ। यो चलचित्रको ‘प्रिक्वेल’ ‘रागिनी एमएमएस’ हो। पूर्व पोर्नस्टार सन्नी लियोन सिक्वेलकी नायिका हुन्।