काठमाडौँ ।
धादिङ्ग क्षेत्र नं. १ बाट राष्ट्रिय स्वतन्त्र पार्टीका उम्मेदवार तथा कमेडियन हिमेश पन्तले आफ्नो फेसबुक स्टाटस लाई ‘एडिट’ गर्दै सच्चाएका छन् । उनले स्टाटसमार्फत गाउँका मतदाताको चेतनास्तरमा अझै सुधार नआएको बताउँदै प्रचार-प्रसारमा हिँड्दै गर्दा त्यस क्षेत्रका केहि मतदाताले “जस्ले दिन्छ नोट, उसैलाई भोट” तथा “भोट चाहिए रक्सी खुवाउनुस्” भनेको लेखेका थिए । हाल भने उनले उक्त स्टाटसलाई सच्याउँदै सो कुरा हटाएका छन् ।
उनले सच्याएता पनि फेसबुकले भने ‘एडिट हिस्ट्री’ हेर्न दिने व्यबस्था गरेका कारण उनले सुरुमा लेखेको कुरालाई समेत सजिलै हेर्न सकिन्छ ।
हालसम्मको मतगणनामा हिमेश अन्य प्रतिस्पर्धी उम्मेदवारभन्दा निकै पछाडि छन् । उनले आफुले विना अनुभव मुख्यमन्त्रीसँग भिडेको भन्दै लेखेका छन्, “मुख्यमन्त्री राजेन्द्र पाण्डेसॅग भिड्ने दम कुनै युवामा थियो ? सिन्डिकेट तोडिएको छ, यो एउटा सुरुवात हो । जग हाल्ने कामको थालनी भएको छ । हाम्रो सम्मानित मत आउदै गर्दा जनता झुक्याएर सत्तामा पुग्नेहरुको मनभित्र ढ्याङ्रो बजेको छ। यहि नै हाम्रो ठुलो उपलब्धी हो ।”
हेर्नुहोस् उनको स्टाटसको एडिट हिस्ट्रीः
