काठमाडौँ।
अभिनेता असिफ शाहले नयाँ चलचित्र ‘शुभ विवाह’ बनाउने भएका छन्। आफ्नै निर्देशनमा बन्ने यो चलचित्र कमेडी हुने बताइएको छ।
![](https://i0.wp.com/www.thuloparda.com/wp-content/uploads/2023/01/6AD17FE4-6140-4F8C-AFDC-9B29E21008CC-edited.jpeg?resize=720%2C540&ssl=1)
विवाहको संस्कृतिमा बन्ने यो चलचित्रमा निर्देशक असिफ आँफैले प्रमुख भूमिकामा अभिनय गर्नेछन। असिफसहित अभिनेत्री स्वस्तिमा खड्का र निश्चल बस्नेतले अभिनय गर्ने बताइएको छ। यो टिमले यसअघि असिफकै प्रोडक्सन कम्पनी जी-ट्वान्टीवनले बनाएको ‘२ रुपैयाँ’ चलचित्रमा काम गरेको थियो।
यसअघि सयौँ म्युजिक भिडियो, विज्ञापन एवं चलचित्रहरु ‘कर्कश’ र ‘२ रुपैयाँ’ बनाएको यस प्रोडक्सनले पछिल्लो समय नेपाली चलचित्रहरुको डिजिटल अधिकारमा समेत लगानी गरिरहेको छ।
जी-ट्वान्टीवनका साझेदार तथा सुपरहिट चलचित्र ’२ रुपैयाँ’का निर्देशक असिम शाह प्रतिनिधि सभा सदस्य हुन्।