काठमाडौँ।
नेपाली चलचित्र ‘परस्त्री’ २०८० को असार १५ मा रिलिज हुने भएको छ । सुरज पाण्डेको निर्देशनमा बनेको यस चलचित्रमा कोसिस क्षेत्री, शिल्पा मास्के, गौरव विष्ट, अलिसा क्षेत्री, आशान्त शर्मा लगायतको प्रमूख भूमिका रहेको छ । यसअघि यो चलचित्र कार्तिक ६ र फागुन १९ गरी दुई पटक मिति परिवर्तन भएको थियो ।
विवाहोत्तर प्रेम सम्बन्धले निम्त्याउने पारिवारिक र सामाजिक संकटको कथावस्तुमा निर्माण भएको यो चलचित्र डीएस डिजिटलको ब्यानरमा निर्माण भएको हो भने दीपेन्द्र के खनाल र शर्मिला पाण्डे निर्माता हुन् । यसका लेखक निर्माता खनाल हुन् ।
यसअघि दीपेन्द्र खनालले निर्देशन गरेको चलचित्र ‘लभ लभ लभ’मा यो चलचित्रका निर्देशक सुरज पाण्डे कलाकार थिए ।