काठमाडौँ।
चलचित्र ‘बुलाकी’को गीत सार्वजनिक गरिएको छ। अभिनेत्री सुरक्षा पन्त र अभिनेता नरेन खड्काको मुख्य भुमिका रहेको यो चलचित्रको ‘नाच सुवा नाच’ बोलको गीत सोमबार सार्वजनिक गरिएको हो।
गीतको भिडियोमा अभिनेत्री अनु पराजुली र गायक कृष्ण रेउलेलाई अतिथि कलाकारको रुपमा प्रस्तुत गरिएको छ। गोविन्द मधुर आचार्यको शब्द रचना तथा संगीत रहेको छ । कविराज गहतराजले कोरियोग्राफी गरेको भिडियोमा सिडी विजय अधिकारी र रचना रिमालको स्वर सुन्न रहेको छ।
टोपेन्द्र विष्टले निर्माण गरेको यो चलचित्रका निर्देशक लक्ष्मण सुनार हुन्। यो चलचित्रमा कर्णालीको ग्रामीण जीवन, रितिरिवाज, जारी प्रथा तथा परिवार र सम्बन्धमा आउने आरोह अवरोहलाई प्रस्तुत गरिएको छ। यो चलचित्र बैशाख १ गतेबाट प्रदर्शनमा आउँदैछ।
गीत हेर्नुहोस: