काठमाडौँ।
आगामी हप्ता रिलिज हुने नेपाली चलचित्र ‘बहाव’को काठमाडौँमा ग्राण्ड प्रिमियर गरिएको छ । बुधवार साँझ भएको प्रिमियरमा नेतादेखि कलाकारहरू सहभागि बनेका थिए । पत्रकारहरु सहित एमाले सांसद रघुजी पन्त, काँग्रेसका सांसद प्रदीप पौडेल लागयतका बिशिष्ट नेताहरुले चलचित्र हेरेका थिए ।
यो चलचित्रको विषयवस्तु र कलाकारको अभिनयले सोच्न बाध्य बनाउने प्रिमियर हेर्नेहरुले बताए ।
यो चलचित्रमा नायिका सुरक्षा पन्त र कलाकार कमलमणी नेपालले छोरी र बाबुको भूमिका निर्वाह गरेका छन् । श्रीधर पौडेलको निर्माणमा तयार भएको चलचित्रमा प्रमोद कँडेलको लेखन तथा निर्देशन छ । निर्देशक कँडेलले चलचित्रमा प्रस्तुत विषयलाई नयाँ कोणबाट हेर्ने कोशिश गरेका छन् ।
बाबु र छोरीबीच आउने विभिन्न विषयको उतारचढावपछि छोरीले समात्ने नयाँ क्रान्ति र प्रेमको कथालाई चलचित्रले उठान गरेको छ ।
फोटो ग्यालरीः