काठमाडौँ।
नेपाली चलचित्रका निर्माता किरण नेपालीले निर्देशनमा हात अघि बढाएका छन्। रेड बर्ड प्रोडक्शनको प्रस्तुतिमा ‘सोली डोली’ नामक चलचित्र उनले निर्देशन गर्ने भएका हुन्।
यो चलचित्र मल्टीस्टारर हुनेछ, जसमा ४ नायक र ३ नायिका रहने निर्माणपक्षले बताएको छ। कलाकारको नाम केही दिनमा नै सार्वजनिक गर्ने तयारी निर्देशक नेपालीको छ। चलचित्र पूर्ण रुपमा कमेडी कथामा निर्माण गर्न लागिएको किरणले बताए।
उनले भने–‘पोई पर्यो काले र २ नम्बरी निर्माण गरिसकेपछि मैले निर्देशनमा हात हाल्न लागेको हुँ। दर्शकले पूर्ण रुपमा कमेडी कथामा चलचित्र हेर्न पाउनुहुनेछ। छायांकन असोजबाट सुरु हुनेछ ।’
यसमा अमलादेवी राई, प्रदीप भारद्धाज, हिमालय शर्मा र सुरज आचार्यको लगानी रहनेछ। सरोज नेपाली कार्यकारी निर्माता रहेको फिल्ममा प्रदीप भारद्धाजको कथा छ।