काठमाडौँ।
चलचित्र ‘परस्त्री’को ट्रेलर सार्वजनिक भएको छ। बिहिवार काठमाडौँमा आयोजित एक कार्यक्रमका बीच विवाहेत्तर सम्बन्ध र त्यसको सामाजिक असरको कथामा बनेको सो चलचित्रको ट्रेलर रिलिज गरिएको हो।
सुरज पाण्डेले निर्देशन गरेको यो चलचित्रको ट्रेलरमा शिल्पा मास्के, कोसिस क्षेत्री र गौरव विष्टलाई शीर्ष स्थानमा राखिएको छ। असार १५ गते रिलिज हुने यस चलचित्रमा बदलाको कथा रहेको छ।
चलचित्रमा शिल्पा, कोशिस र गौरवका अलवा अलिसा क्षेत्री, अशान्त शर्मा, रामबाबु रेग्मी, सरस्वती अधिकारी, झकेन बिसी र अर्पित न्यौपानेको अभिनय रहेको छ । डीएस डिजिटलको ब्यानरमा निर्माण भएको चलचित्रमा शर्मिला पाण्डे र दीपेन्द्र के खनालले निर्माणमा सहकार्य गरेका छन् । खनाल चलचित्रका लेखकसमेत हुन् । चलचित्रको हाल भारतको मुम्बईमा प्राविधिक काम भैरहेको छ ।
ट्रेलर हेर्नुहोस्: