काठमाडौँ।
कबड्डी’ सिरिजका निर्देशक रामबाबु गुरुङले निर्माण गर्ने तथा ‘हाईवे’ तथा ‘ह्वाइट सन’ फेम निर्देशक दिपक रौनियारले निर्देशन गर चलचित्र ‘राजागन्ज’मा मिस नेपाल २०१७ निकिता चाण्डकले अभिनय गर्ने भएकी छन् । चाण्डकले ‘साङ्लो’चलचित्रपछि दोश्रो चलचित्रमा अभिनय गर्न लागेकी हुन् ।
यो चलचित्रमा निकिताका अलावा अर्की एक अभिनेत्रीले मुख्य भूमिका निर्वाह गर्नेछिन् । यो चलचित्रलाई पुलिस थ्रिलरको जनरामा राखिएको छ । चलचित्रमा दयाहाङ राई र अभिनेत्री आशा मंगरातीको पनि प्रमुख भूमिका रहनेछ । साथै, ऋचा शर्मा, पशुपति राई, विजय बराल, गौमाया गुरुङ, घनश्याम मिश्रा, आरती मण्डल तथा पुष्पा यादवको अभिनय रहनेछ ।
यसको छायाङ्कन साउन १२ गतेदेखि सुरु हुने बताईएको छ ।