काठमाडौँ।
छायाङ्कन अगावै नेपाली चलचित्र ‘कार्साङ’को ‘ओभरसिज’ अधिकार सेभेन सिज इन्टरटेनमेन्ट कम्पनीले लिएको छ । अधिकार रकम नखुलाइएतापनि महँगो रकमा खरिद बिक्री भएको बुझिएको छ ।
चलचित्रको तर्फबाट निर्देशक यम शेर्पा र सेभेन सिजका तर्फबाट विनोद पौडेल, प्याट्रिक (प्रतिक) सुवेदी र रमेश ढकालले सम्झौता गरेका हुन् ।
यस चलचित्रमा नवनायिका छिरिङ शेर्पा र अभिनेताद्वय दयाहाङ राई र बुद्धि तामाङ अनुबन्धित छन् । अन्य कलाकारको लाइनअप तयार हुँदैछ । यसको कथा शेर्पा जातिको सामाजिक बिषय हो ।
यसको रिलिज नेपाल र ओभरसिजमा एकसाथ हुनेछ ।