काठमाडौँ।
चलचित्र छायाङ्कनको बीचमा नै दिवंगत भएका अभिनेता सारुक ताम्राकारलाई श्रद्धाञ्जलीस्वरूप म्युजिक भिडियो सार्वजनिक गरिने भएको छ । बीचमै छायाङ्कन रोकिएको चलचित्र ‘ह्यासट्याग माया’का केही दृश्यहरू समावेश गर्दै भिडियो रिलिज गर्न निर्माण टीमले तयारी गरेको हो ।
‘ट्रिब्युट टु सारुक’ शीर्षकमा आउने सो भिडियोमा अभिनेत्री नम्रता श्रेष्ठका दृश्य भने नराखिने बुझिएको छ । सारुकको साथमा अर्की अभिनेत्री राख्ने तयारी छ । सारुककोअन्तिम कामलाई दर्शकमाझ ल्याएर श्रद्धाञ्जली व्यक्त गर्ने उद्देश्य टीमले राखेको बताईएको छ ।
छायाङ्कनको आधा काम सकिएको समयमा गत असार २१ गते सारुक काठमाडौँको रातोपुलस्थित आफ्नै घरमा मृत अवस्थामा फेला परेका थिए ।