काठमाडौँ।
यो हप्ता दुई नेपाली चलचित्रहरू एकसाथ हलमा रिलिज भएका छन् । जनै पूर्णिमा तथा गाईजात्रा पर्वको अवसर पार्दै एकसाथ दुई चलचित्रहरू नेपालभर रिलिज भएका हुन् ।
यि दुबै चलचित्रमा अभिनेता मुकुन भुषालको अभिनय रहेको छ भने दुबै चलचित्रका निर्देशकले पहिलो पटक चलचित्र निर्देशन गरेका हुन् । ‘ऐँचो पैँचो’लाई कृषा चौलागाईं र ‘गणपति’लाई सविन अधिकारीले निर्देशन गरेका छन् ।
रिलिज पूर्वसन्ध्यामा बुधवार साँझ ‘ऐँचो पैँचो’को प्रिमियर शो सम्पन्न भएको थियो भने ‘गणपति’ले बिहिवार साँझ बिशेष प्रदर्शनी आयोजना गरेको छ । ‘ऐँचो पैँचो’को प्रिमियरपछि अभिेनेत्रीद्वय वर्षा राउत र स्वस्तिमा खड्काको प्रशंसा भएको थियो भने निर्देशक चौलागाईंको पनि प्रशंसा भएको थियो ।
‘ऐँचो पैँचो’मा स्वस्तिमा खड्का, वर्षा राउत, मुकुन भुषाल, सुशिल सिटौला, कोशिस क्षेत्री, रमेश बुढाथोकी, राजाराम पौडेल, बुद्धि तामाङ, रविन्द्र झा, सरिता गिरी, विशाल पहारी आदिको अभिनय छ ।
‘गणपति’मा मुकुन भुसाल, मेनुका प्रधान, राजाराम पौडेल, सूर्यमाला खनाल, स्व.जयनन्द लामा, सुशील पोखरेल, प्रकाश घिमीरे, पुस्कर गुरुङ, अंशु मानन्धर, कविता न्यौपाने, देवेन्द्र बब्लु, कालु राना लगायतको अभिनय रहेको छ ।
यसैगरी, गत साता रिलिज भएको नेपाली चलचित्र ‘जय हो’ले शुक्रवारदेखि दोस्रो हप्ताको यात्रा तय गर्दैछ ।