काठमाडौँ।
अभिनेता तथा मोडल बिमलेश अधिकारीले निर्देशन गर्ने चलचित्र ‘ह्याप्पी डिभोर्स’बारे पत्रकार सम्मेलनको आयोजना गरी जानकारी गराइएको छ । मङ्गलवार काठमाडौँमा आयोजित सम्मेलनमा अधिकारीले शीर्षक तथा मुख्य कलाकारसहितको टिम चिनाएका हुन् ।
चलचित्रमा आफूसहित केकी अधिकारी र रीमा विश्वकर्माको पनि मुख्य भूमिका रहनेछ । सन् २०२४ को जनवरीमा छायाङ्कनमा जाने यस चलचित्रको रिलिज पनि सोही वर्ष हुने बताइएको छ । पत्रकार सम्मेलनमा यसको कथा सार बुझाउने म्युजिकल प्रिभ्यु समेत सार्वजनिक गरिएको थियो ।
यस चलचित्रले नयाँ सुरुवात, स्वतन्त्रता र राम्रो भविष्यको कथा भन्ने निर्देशक अधिकारीले बताए । लामो समयदेखि आफ्नो दिमागमा खेलिरहेको एउटा सुन्दर कथालाई दर्शकमाझ प्रस्तुत गर्न लागेको उनले जनाए ।
बिमलेश आफैले लेखेको कथामा पुष्करमणि राईले पटकथा लेखेका छन् ।
म्युजिकल प्रिभ्यु हेर्नुहोस्: