काठमाडौँ।
नेपाली चलचित्र ‘राजागञ्ज: द स्काइ इज माइन’ले नर्वेजियन चलचित्र इन्स्टिच्युटको सोर्फोन्डबाट ७६ लाख ५२ हजार रुपैयाँ (५७ हजार ६०० अमेरिकी डलर) फन्ड जितेको छ । अमेरिकी म्यागेजिन भेराइटीमा प्रकाशित समाचार अनुसार ‘रानीगञ्ज’ उक्त फन्ड जित्ने नौ चलचित्रमध्ये एक हो ।
गत महिना छायाङ्कन सम्पन्न भएको यो चलचित्रमा दयाहाङ राई, निकिता खण्डक, आशा मगराती, पशुपति राई, ऋचा शर्मा, विजय बराल, गौमाया गुरुङ, घनश्याम मिश्र, आरती मण्डल र पुष्प यादव आदिको अभिनय रहेको छ । दीपक रौनियार चलचित्रका निर्देशक हुन् ।
निर्देशक रौनियार, डेभिड बार्कर र आशा मगरातीको संयुक्त लेखन रहेको यस चलचित्रमा जातीय प्रथा र छालाको रङलाई लिएर हुने विभेदको कथा रहेको छ।