![](https://i0.wp.com/www.thuloparda.com/wp-content/uploads/2024/01/menuka-poudel-1-1.png?resize=720%2C405&ssl=1)
काठमाडौँ। भारतीय गायन रियालिटी शो ‘इन्डियन आइडल’को उत्कृष्ट १० मा परेकी नेपालकी गायिका मेनुका पौडेलको आँखामा विशेष डिभाइस राखिएको छ ।
यो डिभाइस उनको आँखामा राखेपछि उनले एक्लै हिँड्न, मान्छे चिन्न र सजिलैसँग पढ्न सक्ने भएकी छन् । मेनुकालाई उनको उपचारमा इन्डियन आइडलकै टिमले सहयोग गरेको छ । टिमले उनलाई मुम्बईका एक प्रतिष्ठित नेत्र चिकित्सककहाँ लगेर आँखाको चेकअप गराएको थियो ।
उपचारमा संलग्न चिकित्सकका अनुसार मेनुकाको आँखाको नर्भ्सले काम गरेको छैन । जस कारण उने पूर्ण रूपमा दृष्टि पाउन नसके पनि विशेष डिभाइसको मद्दतमा आंशिक रूपमा देख्न सक्नेछिन् ।
मेनुकाको आँखाको उपचार भएको थाहा पाएपछि आइडलकी निर्णायक श्रेया घोषालले नयाँ वर्षमा अर्को खुसीको खबर आएको भन्दै आभार व्यक्त गरेकी छन् ।