सुवासको गीत ‘दिनपछि रात’ सार्वजनिक

काठमाडौं। सुवास केसीको स्वरमा रहेको गीत ‘दिनपछि रात’ बोलको सन्देशमूलक म्युजिक भिडियो सार्वजनिक भएको छ । युवाहरूलाई लक्षित गरिएको यस गीतको भिडियोमा उमेरको जोसमा होस गुमाउँदा आउने परिणामको अन्तिम विकल्प आत्महत्या होइन भन्ने सन्देश दिइएको छ । गीतमा गणेश सुबेदीको शब्द रचना तथा सन्दीप कार्की सङ्गीत रहेको छ ।

गीतबारे गायक केसी भन्छन्, “समस्या आइपर्दा कहिलेकाहीँ हामी के गर्ने के गर्ने छुट्टाउन सक्दैनौँ । अनि समस्याको अन्तिम समाधान हामी आत्महत्या हो भन्ने सोच्छौँ । यो समस्या विशेषतः युवाहरूमा बढी देखिने गर्दछ । उनीहरूलाई यो उमेरमा सही गाइड गर्ने व्यक्तिको खाँचो हुन्छ। त्यसैले अहिलेका युवाहरूलाई प्राथमिकतामा राखेर यो भिडियो बनाइएको हो ।”

भिडियोमा योगेश सिंह, विशाल गिरी, दिवाकर घिमिरे, किरण शाही ठकुरी, मञ्जु गिरी, आदि लगायतका कलाकारले अभिनय गरेका छन् । भिडियोलाई महेश केसीले निर्देशन गरेका छन् ।

भिडियो: