भरतपुर। अभिनेत्री श्वेता खड्काले नयाँ व्यवसाय सुरु गरेकी छन्। चितवनको भरतपुर–४, आनन्द नगरमा भुदेवी स्टिल नामक मेटल व्यवसाय थालेकी हुन्।
हाइड्रोपावर, झ्याल ढोका, रोडक्रस ब्यारिअर, रोलिङ सटर र ठुला भवनका पुलमा प्रयोग हुने फलामजन्य सामग्रीको उत्पादन हुने गरी यो फ्याक्ट्री सुरु गरेको खड्काले बताएकी छन्। उनले निर्माण, हस्पिटालिटी तथा रेस्टुरेन्ट व्यवसाय पनि सञ्चालन गर्दै आएकी छन्।
‘कहाँ भेटिएला’ चलचित्रबाट अभिनय सुरु गरेकी श्वेताले आधा दर्जन चलचित्रमा अभिनय गरेकी छन्।