काठमाडौं। गायिका एलिना चौहानले बुधवार प्रेमी विष्णु सापकोटासँग विवाह बन्धनमा बाँधिएकी छन्। झापामा भएको विवाहमा दुवै पक्षका परिवार, आफन्त र निकट साथीभाइको उपस्थिति रहेको छ। सामाजिक सञ्जालमा विवाह स्थलबाट तस्बिरहरू पोस्ट गरिएका छन्।
सापकोटा गृह जिल्ला बागलुङदेखि मङ्गलवार नै जन्ती लिएर झापा पुगेका थिए। उनले मङ्गलवार नै आयोजित हल्दी र मेहेन्दी समारोहमा सहभागिता जनाएका थिए।
बिर्तामोडस्थित बिर्ता पार्टी प्यालेसमा भव्यताका साथ विवाह भइरहेको छ। बुधवार बिहानै एलिनाको भाइको व्रतबन्ध गरिएको थियो।
![](https://i0.wp.com/www.thuloparda.com/wp-content/uploads/2024/04/image-33.png?resize=576%2C768&ssl=1)
लामो समयदेखिको प्रेमलाई यी दुईले विवाहमा परिणत गरेका हुन्। विष्णु अस्ट्रेलिया बस्दै आएका छन्। साङ्गीतिक कार्यक्रमको सिलसिलामा अस्ट्रेलिया पुगेको बेला एलिना र विष्णुको भेट भएको थियो।
Photo: Aleyna Bhattarai (RONB)