काठमाडौं। प्रज्ञा फिल्मस्को प्रस्तुतिमा बन्ने नयाँ टेलिभिजन सिरिज ‘ठुल्दिदी’को काठमाडौंमा शुक्रवार मुहूर्त गरिएको छ।
प्रज्ञा जोशीको निर्देशन रहने यसमा प्रज्ञा, विष्णु रिजाल, माधव खनाल, आमिश्का बुढाथोकी, विमल धमला र विनयराज पौडेलको अभिनय रहनेछ। यस सिरिजमा लय सङ्ग्रौलाको लेखन र गीत, विकास चौधरीका सङ्गीत, प्रिया नगरकोटीको शृङ्गार, विमल धमलाको प्रोडक्सन र मदन कश्यप घिमिरेको छायाङ्कन रहनेछ।
प्रज्ञाले यसअघि ठूलोपर्दामा ‘सम्झना’, ‘नोटबुक’, ‘सपुत’, ‘न बिर्से तिमीलाई’लगायतका फिल्म निर्माण गरेकी छन्। उनले यसअघि निर्माण गरेको टेलिसिरियल ‘सिन्दूर’ हिट टेलिसिरियलमा पर्दछ ।