ठुलोपर्दा डटकम, काठमाण्डौ ।
नायिका अशिष्मा नकर्मी अर्कै यूवकसँग लागेपछि नायक रेश मरहठ्ठा एक्लै भएका छन् । अशिष्माको यादमा आँशु बगाउन बाहेक उनीसँग अब कुनै विकल्प छैन् ।
गीतकार भद्रकला आङबुहाङ राईको ‘तिम्रो यादमा …’ बोलको म्युजिक भिडियो सार्वजनिक भएको छ जहाँ रेश अशिष्माको प्रेममा तड्पिएका छन् । गीतलाई चर्चित गायक राजेशपायल राईले गाएका छन् । सुरेश अधिकारीको संगीत रहेको गीतलाई हरि हुमागाईँले खिचेका हुन् ।
फडिन्द्र राईले एरेन्ज गरेको गीतलाई भरतमणी रेग्मीले सम्पादन गरेका छन् । प्रदिप के. निरौलाले निर्देशन गरेको यो म्युजिक भिडियोले अहिले बजारमा चर्चा पाइरहेको छ । तपाईले हेर्नुभएको छैन् की ?